Тинекс Пролет ги стартуваше подготовките за новата сезона, за која нашиот клуб го задржа костурот на тимот. Воедно, Тинекс Пролет не отстапува од цврстата стратегија за настап исклучиво со македонски ракометари, што ќе биде случај и во новата сезона од Супер-лигата.

Засега е потпишано само едно ново засилување, голманот Никола Кизиќ кој бранеше за Струга, а претходно има настапувано и за Вардар Јуниор. Тој ќе го наследи на нашиот гол искусниот Кимевски, кој ја заврши кариерата. Воедно, како клуб му се заблагодаруваме на Кимевски за четирите години беспрекорна соработка. Во првиот тим се прекомандувани и најперспективните ракометари од нашата младинска школа.

Тинекс Пролет летово беше фокусиран на задржување на најдобрите ракометари, па така успеавме да ја продолжиме соработката со капитенот Ласко Андоновски, кој одби неколку понуди од Македонија и странство за да остане во Пролет. Нови договори се потпишани и со браќата Филип и Александар Василевски. Иако Александар поради тешка повреда на коленото ќе се врати на почетокот од 2020 година, ние ја продолживме соработката бидејќи сме убедени во неговите квалитети и знаеме дека ќе ни биде од големе помош по враќањето на терените.

Исто така, во завршна фаза се преговорите за ангажман на нови ракометари кои дополнително би ја засилиле нашатс екипа. Нашиот клуб покрај Кимевски летово го напуштија и Јовчевски, Трајковски и Манасков, на кои им посакуваме многу среќа во натамошниот дел од кариерите.