Пионерскиот тим на Тинекс Пролет (генерација 2010) забележа значајна победа на гостувањето против Куманово, триумфирајќи со резултат 20-22. 

Избраниците на тренерот Филип Василевски одиграа доминантно во првото полувреме, поведувајќи со 10-14. Добрата одбрана го красеше нашиот пионерски тим и до крајот на натпреварот, па Тинекс Пролет заслужено ги освои бодовите на овој натпревар.

Мартин Стојановски со 10 гола беше најдобар подинец на овој натпревар, а на голот на Тинекс Пролет блескаше МаксимТрајковски со 12 успешни интервенции.

Тинекс Пролет по оваа победа се наоѓа на делба на втората позиција во групата заедно со пионерскиот состав на Алкалоид.