Тинекс Пролет мисли и на иднината: Потпишани договори со пет перспективни засилувања

Тинекс Пролет состави квалитетен тим за новата натпреварувачка сезона во Супер-лигата, но клубот паралелно со тоа инвестира и во младинската школа и во пониските возрасни категории. Во тој правец, денеска беа потпишани договори со пет нови ракометари, перспективни играчи кои доаѓаат во нашиот клуб од редовите на Мулти Есенс.

Станува збор за: 

Давид Младеновски, 18-годишен лев бек
Стефан Велков - 17-годишен среден бек
Дамјан Димитриевски - 18-годишно лево крило
Андреј Ниновски - 18-годишно десно крило
Алек Алексовски - 18-годишен лев бек.


Петмината ракометари до лани го носеа дресот на Мулти Есенс, а летово доаѓаат да го засилат Тинекс Пролет. Планот предвидува тие да се развиваат преку младинските категории, но и да тренираат со првиот тим, во обид да се наметнат кај тренерот Лембанов кој веќе се покажа како стратег што е подготвен да даде шанса на млади и перспективни ракометари. 

Стефан Велков беше дел од тимот на вчерашниот меч со Еурофарм Пелистер 2 на турнирот во Прилеп (победа од 22-12).

Со овие трансфери, Тинекс Пролет уште еднаш покажува грижа за младинските категории и за иднината на македонскиот ракомет, како клуб кој секогаш акцент става на домашните играчи во тимот.
 

Пребарување

Табела

Поз.ЕкипаБ
1РК Пролет 623
2МРК Куманово2
3РК Прилеп2
4РК Струга1
5РК Фруит Ленд Борец1
6РК Радовиш0

Најнови вести

Архива на вести